Heidi: “Dua të bëhem Mis Zvicra dhe të ndihmoj fëmijët e sëmurë”

“Unë dëshiroj të bëhem misi i ardhshëm dhe të kujdesem për fëmijët e sëmurë. Miset nuk janë vetëm për të pozuar para aparateve”.

“Asnjëra nga kandidatet për `Mis Zvicra`nuk është më e familjarizuar me kurorat (kurorat e dhëmbëve, mbase) se ajo. Për këtë arsye, studentja e stomatologjisë, Heidi Lushtaku nga Cugy (Vaud) synon që më 8 qershor të garojë për të trashëguar kurorën nga bartësja zyrtare e titullit, Alina Buchacher.

“Unë dëshiroj të bëhem misi i ardhshëm dhe të kujdesem për fëmijët e sëmurë. Miset nuk janë vetëm për të pozuar para aparateve”, thotë Heidi.

Kosovarja 22 vjeçe punon katër ditë në javë në ordinancën stomatologjike të mjekut Bogomil Stoykov, në Lozanë, shkruan blick.ch.

“Unë i sterilizoj instrumentet, e dezinfektoj karrigen stomatologjike dhe e ndihmoj mjekun”, thotë ajo. Ndonjëherë madje gjen shprehje edhe përvoja ime si kandidate për mis. Së fundi nu desh t`ia hiqja frikën nga dentisti një pacienti. Ai nuk pranonte të trajtohej”, kujtohet Heidi.

Por, e pyetur nëse ndonjë pacient deri më tash është dashuruar në të, Heidi, që ende është beqare, thotë: “Jo. Së paku asnjëri nuk më ka thënë”. Dhe, kjo nuk i duket edhe keq asaj. “Deri në mbrëmjen e zgjedhjes së misit unë edhe ashtu jam e fokusuar vetëm te kurora”.(albinfo)