Haziri viziton Stacionin e Autobusëve: Do të bëhet më moderni në rajon

Gjilan – Kryetari i Komunës së Gjilanit, Lutfi Haziri me bashkëpunëtorët, ka vizituar ndërmarrjen komunale Stacioni i Autobusëve, për të parë nga afër marra e ndërmarra për parandalim kundër Covid-19.

Haziri ka konfirmuar se Stacioni i Autobusëve do të jetë në planin e investimeve në këtë vit.

“Meqë transporti publik është ndërprerë, përmes menaxhmentit, ne po punojmë në projektin për ndërtimin e Stacionit të ri, që e kap shumën prej 600 mijë euro dhe që i plotëson nevojat për transportin urban dhe ndër-urban. Ndërmarrja është menaxhuar mirë dhe s’ka shkaktuar asnjë borxh në gjashtë vitet e fundit”, tha Haziri.

Kryeshefi ekzekutiv i kësaj ndërmarrje, Avni Hajrullahu, ka njoftuar se janë marrë të gjitha masat parandaluese kundër përhapjes së Covid-19, ndërkaq e ka falënderuar kryetarin Haziri për mbështetjen e madhe që u ka dhënë.

“Stacioni i Autobusëve në Gjilan do të jetë me një sistem të avancuar digjital dhe më moderni në rajon”, tha Hajrullahu.

Ndryshe, afro 1 milion njerëz në vit qarkullojnë në Stacionin e Autobusëve në Gjilan./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).