Haziri viziton shkollën e Dobërçanit, zotohet për mbështetje të vazhdueshme në infrastrukturë

Gjilan – Kryetari i Komunës së Gjilanit, Lutfi Haziri, I shoqëruar nga drejtori i Arsimit, Nazim Gagica, ka vizituar sot shkollën fillore “Nazim Hikmet” në Dobërçan, ku është zotuar për mbështetje të vazhdueshme në infrastrukturë.

“Pas grevës tri javëshe, ne kemi filluar vizitat nëpër shkolla për të parë rifillimin e gjysëmvjetorit të dytë, në përputhje me prioritetet në investimet në infrastrukturë Kemi vizituar shkollën në Kishnapole dhe këtu në Dobërçan, ku e kemi prioritet për investime në bashkëpunim me agjencinë turke “Tika”dhe MASHT. Kjo shkollë ka dhënë nxënësit më të mirë në garat e shkencave natyrore në nivel Republikan dhe ndërkombëtar. Do të bëjmë gjithçka për t’i përmbushur kërkesat e tyre”, ka thënë Haziri pas vizitës.

Drejtori i shkollës fillore “Nazim Hikmet”, Fadil Shabani, e ka falënderuar kryetarin Haziri për vizitën dhe mbështetjen e vazhdueshme, por kësaj radhe e pati edhe një kërkesë.

“Nga kryetari kërkova që të na mbështesë me një palestër sportive, e cila i kompleton të gjitha kushtet e një shkolla europiane. Ne pamë nga afër edhe tabelat e mençura dhe u bindëm me funksionalitetin e tyre. E kemi edhe kabinetin e informatikës i cili na mundëson që t’ju ofrojmë nxënësve kushte që i meritojnë”, tha Shabani.

Gjatë ditëve në vazhdim, kreu i Gjilanit do t’i vizitojë edhe shkollat tjera për të parë nga afër procesin mësimor./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).