Haziri uron gratë dhe nënat për 8 Marsin

Gjilan – Kryetari i Komunës së Gjilanit, Lutfi Haziri, ka uruar gratë dhe nënat me rastin e 8 Marsit, Ditës Ndërkombëtare të Gruas.

Në mesazhin e urimit të kryetarit Haziri thuhet:“Të nderuara vajza dhe gra, nëna dhe motra, shfrytëzoj rastin që si kryetar i Komunës së Gjilanit t’ju uroj 8 Marsin, Ditën Ndërkombëtare të Gruas dhe t’ju them se ju jeni simboli i dashurisë, ikona e saj dhe sakrifica për më të mirën.Në këtë ditë të shënuar për të gjithë ne, rikujtojmë rolin e pazëvendësueshëm të femrës në ndërtimin dhe zhvillimin shoqërisë sonë, të institucioneve tona, të shtetit tonë. Sot, gruaja gjilanase gëzon pozita të larta vendimmarrëse sepse pa fuqizimin e rolit të gruas në vendimmarrje nuk mund të kemi shoqëri demokratike. Andaj, inkurajoj të gjitha femrat që të mos ndalojnë në rrugën e tyre për të zënë vendin e tyre të merituar në shoqëri. Gëzuar!”./rajonipress/