Haziri takon Shaip Beqirin, diskutojnë për shënimin e 20-vjetorit të vdekjes së Beqir Musliut

Gjilan – Kryetari i Komunës së Gjilanit, Lutfi Haziri, ka pritur sot në takim shkrimtarin e njohur, Shaip Beqiri.

Qëllimi i takimit ka qenë për përgatitjet e Komunës së Gjilanit për shënimin e 20-vjetorit të ndarjes nga jeta të shkrimtarit të njohur gjilanas, Beqir Musliu.

Beqiri ka shprehur gatishmërinë e tij për të dhënë kontributin në grumbullimin dhe përpunimin e të gjitha dorëshkrimeve të shkrimtarit Beqir Musliu deri në fazën e botimit.

Kryetari Haziri është shprehur me këtë rast se emri i Beqir Musliut i bënë nderë të madh, jo vetëm Gjilanit, por edhe mbarë Kosovës dhe letërsisë shqipe në përgjithësi, ndërsa ka rikonfirmuar se dorëshkrimet e kolosit të letrave shqipe do të mbështeten me të gjitha kapacitetet komunale./rajonipress/