Haziri takon selektorin e Kosovës Albert Bunjaku

Gjilan – Kryetari i Gjilanit Lutfi Haziri ka pritur sot në zyrën e tij selektorin e reprezentacionit të Kosovës në futboll, Albert Bunjaku, i cili shoqërohej nga legjenda e futbollit kosovar, Muharrem Sahiti.

Në këtë takim miqësor, kryetari Haziri e zotin Bunjaku janë zotuar se do të ketë bashkëpunim të shkëlqyeshëm mes dy institucioneve.

Haziri poashtu ka thënë se do të jap kontributin e tij vazhdimisht në mënyrë që Kosova të përfaqësohet sa më parë në garat ndërkombëtare.

Nga ana e tij, selektori i reprezentacionit të Kosovës në futboll, Albert Bunjaku, ka falënderuar Hazirin për mikpritjen, duke e falënderuar poashtu edhe për mbështetjen e vazhdueshme që ka dhënë në avancimin e futbollit kosovar në të gjitha nivelet qeverisëse./rajonipress/