Haziri: Stanqiqi gati në shtator?

Gjilan – Lutfi Haziri thotë se në shtator është afati për hapjen e vendkalimit kufitar në Stanqiq, por puna po shkon shumë ngadalë. “Ne kemi kryer punët tona, tash topi është te Maqedonia”, ka thënë Haziri, dhe ka shtuar se po e pret ministrin e Punëve të Brendshme që të vijë në Gjilan dhe që të sqarohen punët.

Lutfi Haziri është optimist se vendkalimi kufitar në Stanqiq mund të hapet në shtator, pavarësisht se të gjitha obligimet dhe detyrimet rreth kësaj pike janë kryer me kohë nga ana e autoriteteve kosovare, derisa punët kanat ngecur tek autoritetet e Maqedonisë, raporton rajonipress.

Haziri thotë se ky vendkalim kufitar do të shërbejë edhe për mallra të rënda. “Në shtator është afati për hapjen e vendkalimit kufitar në Stanqiq, por puna po shkon shumë ngadalë. Ne kemi kryer punët tona, tash topi është te Maqedonia”, ka thënë Haziri.

Madje Haziri në një debat që ka pasur me qytetarët e Gjilanit tha se po e pret ministrin e Punëve të Brendshme që të vijë në Gjilan dhe që të sqarohen punët./rajonipress/