Haziri: Shukri Sylejmanin do ta kujtojmë përgjithmonë për kontributin e jashtëzakonshëm në sportin gjilanas

Gjilan – Kryetari i Komunës së Gjilanit, Lutfi Haziri, i ka dërguar një telegram ngushëllimi familjes Sylejmani, me rastin e ndarjes nga jeta të biznesmenit të njohur gjilanas, Shukri Sylejmani.

Në telegram, thuhet:

“E nderuara familje Sylejmani,

Me pikëllim të thellë e mora lajmin për ndarjen nga jeta të biznesmenit të njohur gjilanas, Shukri Sylejmani.

Ai do të mbahet në mend si presidenti i parë i SC Gjilanit dhe donatori i kryesor të klubit të krenarisë, për më shumë se një dekadë.

Jam krenar që me inicimin tim, Kuvendi Komunal i Gjilanit e shpalli Shukën “Nderi i Qytetit” për kontributin e jashtëzakonshëm në sportin gjilanas dhe si i tillë do të kujtohet përgjithmonë.

Ngushëllimet më të sinqerta familjes Sylejmani, shokëve, kolegëve dhe klubit SC Gjilani.

Lamtumirë, miku im!”, thuhet në telegramin e Hazirit./rajonipress/