Haziri: Ramushi vendos për koalicionin

Gjilan – Lutfi Haziri tha për rajonipress se as Blerim Shala e as Ahmet Isufi nuk janë figura politike që vendosin për të ardhmen e AAK-së dhe koalicionin e saj. Gjithçka mbetet në duart e Ramushit.

Lutfi Haziri kryetar i komisionit për integrime evropiane thotë se me vëmendje po i përcjellë zhvillimet dhe kalkulimet e fundit politike në Kosovë.

Haziri tha për rajonipress se në AAK nuk vendos as Blerim Shala e as Ahmet Isufi reth koalicioneve të ardhshme që mund të ketë AAK-ja. “Gjithçka mbetet në duart e Ramush Haradinajt i cili i ka dhënë ofertë së fundit edhe LDK-së edhe AAK-së. Realisht Ramushi po mundohet t`ia ruaj fytyrën AAK-së dhe normalisht që po mundohet të tregohet një figurë politike që dinë të ruaj stabilitetin dhe unitetin politikë” tha Haziri.

Kurse në nivel lokal Haziri tha se me AAK në Gjilan kanë disa pika të përbashkëta dhe se bashkëpunimi me këtë subjekt do të vazhdojë edhe në të ardhmen. “Me AAK në Gjilan kemi bashkëpunuar ngushtë , madje në zgjedhjet e fundit lokale krijuam edhe bllokun e përbashkët LDK-AAK-LDD. Në Asamblenë Komunale do të vazhdojmë të jemi aktivë dhe të krijojmë aleanca të shëndosha edhe me partitë tjera opozitare vetëm për ta ndaluar dhe shfrenuar kaosin e vendimeve institucionale” tha Haziri. /rajonipress/