Haziri priti në takim përfaqësues të kompanisë turke “Romoy”

Gjilan – Kryetari i Komunës së Gjilanit, Lutfi Haziri, ka pritur sot në takim përfaqësuesit e kompanisë turke “Romoy”, Serhat Akdag dhe Mustafa Akçay.

Në takim, kryetari Haziri është njoftuar nga mysafirët rreth kompanisë “Romoy” (turizmi shëndetësor në Turqi), e cila pacientëve u ofron standarde më të larta në fushën e trajtimit mjekësor me kosto me te ulët në Turqi.

Kryetari Haziri ka falënderuar z. Akdag dhe z. Akçay për vizitën në Gjilan, duke shfaqur besimin se do të gjejnë mënyra të bashkëpunimit në fushën e mjekësisë, për trajtimin e pacientëve të cilët nuk mund të trajtohen në vendin tonë.

Ndërkaq, përfaqësuesit e kompanisë turke “Romoy”, Serhat Akdag dhe Mustafa Akçay, kanë falënderuar kryetarin Haziri për pritjen, ndërkaq kanë theksuar “Romoy” Turizmi Shëndetësor Ndërkombëtar shërben për pacientët në të gjithë botën, duke përdorur metoda më efikase dhe me kosto më të ulët në opsione të trajtimit, si një kompani turistike shëndetësore, e cila përkushtueshëm iu prezanton pacıentëve kombinime të standardeve më të larta në fushën e trajtimit mjekësor në Turqi./rajonipress/