Haziri: Paqja jonë është shkruar me gjakun dëshmorëve, heronjve dhe martirëve

Gjilan – Me homazhe tek varrezat e dëshmorëve institucionet komunale në krye me Lutfi Hazirin, kanë nisur sot shënimin e Ditës së Çlirimit të Gjilanit.

“20 vite më herët, Gjilani është zgjuar me shpresën e realizimit të ëndrrës për liri. I falënderoj të gjithë ata që kanë kontribuar në gjenerata, dekada e shekuj për këtë ditë, por edhe mbështetjen e ushtarëve si Legjioni i Parë Francez që ka hyrë në Gjilan dhe është vendosur në shkollën “Abaz Ajeti” dhe marina amerikane me ushtri që është vendosur në shkollën “Selami Hallaqi”, ka thënë pas homazheve kreu ni Gjilanit, Lutfi Haziri.

Haziri tha se ne të gjallët duhet të punojmë që ta nderojmë paqen dhe jetën me mundësi të barabarta për të gjithë dhe ta duam Republikën ashtu siç e deshën ata që e ndërtuan.

“Më 15 qershor kanë marshuar edhe ushtarët UÇK’së dhe kanë dalë në detyrë të gjithë ata njerëz që kanë kontribuar dhe kanë filluar ta rindërtojnë paqen në Gjilan. Lavdia iu shkon familjeve të dëshmorëve që i dhanë djemtë dhe vajzat e tyre më të mirë për liri. Sakrifica deri në realizimin e lirisë ka qenë e madhe, e përgjakshme dhe paqja jonë është shkruar me gjakun e tyre. Ne të gjallët duhet të punojmë që ta nderojmë paqen, jetën me mundësi të barabarta për të gjithë dhe ta duam Republikën ashtu siç e deshën ata që e ndërtuan”, tha Haziri./rajonipress/