Haziri ngushëllon familjen Shabani me rastin e ndarjes nga jeta të veprimtarit Xhelal Shabani

Gjilan – Me rastin e ndarjes nga jeta të veprimtarit, Xhelal Shabani, kryetari i Komunës së Gjilanit, Lutfi Haziri, i ka dërguar një telegram ngushëllimi familjes Shabani.

Në telegram, thuhet:
“E nderuara familje Shabani,
Me pikëllim të thellë e mora lajmin për ndarjen nga jeta të familjarit tuaj dhe të veprimtarit, Xhelal Shabani.

Xhelali ishte personalitet i veçantë dhe i përkushtuar ndaj familjes e vendit dhe veprimtar i palodhshëm, duke dhënë kontribut të gjithanshëm me aktivitetet e tij.
Duke e njohur si shembull, sot asgjë nuk mund ta mbush zbrazëtirën e humbjes së tij, por lutem që i me veprat e tij të mira të jetë kujtim i mirë për të gjithë ata që e kanë njohur.
Familje e nderuar Shabani, miq, shokë dhe kolegë të Xhelalit, në këto momente të rënda kur vendi po ballafaqohet me pandeminë e në pamundësi të vizitës, në emrin tim dhe të qytetarëve të Gjilanit ju shpreh ngushëllimet më të sinqerta.
Zoti ua lehtësoftë dhembjen!”, thuhet në telegram./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).