Haziri ngushëllon familjen Aliu

Gjilan – Kryetari i Komunës së Gjilanit Lutfi Haziri i ka dërguar telegram ngushëllimi familjes Aliu, me rastin e ndarjes nga jeta të punëtorit të Komunës së Gjilanit, Januz Aliu.

Në telegram thuhet: “E nderuar familja Aliu më lejoni që në emër të të gjitha institucioneve lokale t’ju shpreh ngushëllimet më të sinqerta për ndarjen nga jeta të familjarit tuaj, Januz Aliu.

Januzi ka dhënë kontribut të madh në pozita të ndryshme në Komunën e Gjilanit që nga viti 2000 dhe ishte gjithmonë i gatshëm ta jap më të mirën në shërbim të qytetarëve të Gjilanit me përgjegjësinë më të lartë.

Prandaj, vdekja e tij e parakohshme më ka pikëlluar shumë dhe ka lënë boshllëk të madh në Komunën e Gjilanit.

Ju lus që të bëheni të fortë dhe Zoti ua bëftë të lehtë. U prehtë në paqe!”, thuhet në telegramin e ngushëllimit të kryetarit Haziri./rajonipress/