Haziri: Nëse Vjosa Osmani largohet, fillimisht e dëmton LDK’në e pastaj edhe veten

Kryetari i Gjilanit dhe nënkryetari i LDK’së, Lutfi Haziri, ka thënë se kryetarja e Kuvendit, Vjosa Osmani nuk duhet të largohet nga LDK.

Osmani është përjashtuar nga të gjitha pozitat në organet udhëheqëse të LDK’së dhe ka paramajmëruar se do të nisë subjektin e saj politik. Po ashtu, ajo ka hedhur akuza ndaj kreut të LDK’së, Isa Mustafa.

Haziri ka thënë se largimi i Osmanit do ta dëmtonte LDK’në dhe demokracinë e brendshme të këtij subjekti, por edhe vetë Osmanin.

“Definitivisht që do ta dëmtojë LDK’në. Çdo figurë e fuqishme që është ngritur në LDK nëse largohet sigurisht që do të na dëmtojë, dhe këtë mund ta shohim vetëm në zgjedhje. Por mësimet e të kaluarës së afërme na mësojnë qe përveç LDK’së, ajo do ta dëmtojë edhe veten”, ka thënë Haziri në Syri TV, raporton Express.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).