Haziri nënshkruan marrëveshje mirëkuptimi me Asociacionin e Arkitektëve të Kosovës

Gjilan – Kryetari i Komunës së Gjilanit, Lutfi Haziri, ka nënshkruar sot një marrëveshje mirëkuptimi me Asociacionin e Arkitektëve të Kosovës (AKK), përkatësisht me përfaqësuesin Shemsi Kelmendi.

Me të nënshkruar marrëveshjen, kryetari Haziri dhe përfaqësuesit e këtij asociacioni kanë vlerësuar se kjo marrëveshje është në interes të dyanshëm në fushën e hartimit, menaxhimit dhe monitorimit të dokumenteve me rëndësi si dhe të ushtrimit të veprimtarisë në fushën e arkitekturës.

Kjo marrëveshje është bërë duke u bazuar në kornizën ligjore të Republikës së Kosovës për fushat e planifikimit hapësinor në Gjilan, të ndërtimit, të banimit, të mbrojtjes së mjedisit, të produkteve të materialeve ndërtimore, për ngritjen dhe shfrytëzimin e kapaciteteve njerëzore në funksion të përmirësimit të gjendjes në mjedis dhe të parandalimit të degradimit të mëtutjeshëm, duke e mbrojtur dhe ruajtur shëndetin e qytetarëve të komunës së Gjilanit./rajonipress/