Haziri: Në Qeverinë e Koalicionit do të ketë ministra edhe nga Anamorava

Gjilan – Lutfi Haziri i cili ishte pjesë e takimeve të rëndësishme kur u arrit marrëveshja mes LDK-AAK e NISMA thotë për rajonipress se në qeverinë e Ramush Haradinajt do të ketë vend edhe për ministra nga Gjilani e Anamorava. “Anamorava do të jetë e përfaqësuar denjësisht sepse ky ishte edhe synimi ynë që nga fillimi i fushatës” tha Haziri.

Lutfi Haziri është i bindur se në qeverinë e re që do të drejtohet nga Ramush Haradinaj do të ketë vend edhe për deputet e ministra nga Gjilani e Anamorava.”Unë jam i sigurt se ministrat e Anamoravës do të jenë të përfaqësuar në kabinetin e Haradinajt. Kemi njerëz të dëshmuar e që janë në gjendje të marrin përgjegjësi serioze në të gjithë digasterët qeveritar” tha Haziri për rajonipress.

Haziri thotë se tani mbetet që kjo qeveri të konsolidohet me emra kredibil, derisa synim i tij ka qenë që në qeveri Gjilani dhe Anamorava mos të anashkalohen, por të marrin përgjegjësit e merituara edhe në përfaqësimin më të lartë qeveritar.

Ndryshe në Gjilan aktivist tashmë të koalicionit LDK-AAK e NISMA kanë dalur të festojnë para teatrit të qytetit në Gjilan./rajonipress/