Haziri: Ne jemi frymëzuar mbi sakrificën dhe idealin e veprimtarit Sabit Rexhepi

Gjilan – Me rastin e ndarjes nga jeta të kryetarit të Shoqatës së ish të Burgosurve Politik, Sabit Rexhepi, kryetari i Komunës së Gjilanit, Lutfi Haziri, i ka dërguar një telegram ngushëllimi familjes së tij.

Në telegram, thuhet:

“E dashura familje Rexhepi,

Të nderuar anëtarë të Shoqatës së ish të Burgosurve Politik,

Me pikëllim të thellë e mora lajmin për ndarjen nga jeta të kryetarit të Shoqatës së ish të Burgosurve Politik, Sabit Rexhepi.

Baca Sabit është simbol i qëndresës, guximit dhe rezistencës kundër regjimit të kohës, i cili, as pas torturave çnjerëzore, nuk u zbraps, nuk u thye dhe nuk u dorëzua kurrë.

Mbi sakrificën e bacës Sabit dhe krejt ish të burgosurve politikë, mbi luftën dhe idealet e tyre, ne
jemi frymëzuar dhe sot po e shijojmë lirinë.

Veprimtari Sabit Rexhepi fizikisht më nuk do të jetë në mesin tonë, por do ta kujtojmë përjetë për kontributin e tij të jashtëzakonshëm dhënë çështjes shqiptare të Kosovës, në një kohë të pakohë.

Ngushëllimet më të sinqerta familjes Rexhepi, Shoqatës së ish të Burgosurve Politik, shokëve miqve e farefisit.

Lamtumirë, miku im!”, thuhet në telegram.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).