Haziri: Në Gjilan kemi krijuar balancë investimesh qytet-fshat

Gjilan – Kryetari i Komunës së Gjilanit, Lutfi Haziri, ka deklaruar se gjatë mandatit qeverisës kanë vendosur balancë investimesh qytet-fshat.

Kreu i Gjilanit ka thënë se kjo formulë e investimeve mbi parimin e barazisë, ka qenë synim i tij, të cilin e ka realizuar.

“Nuk dua të flasë për realizimin e programeve të mëdha për Gjilanin sepse ato janë të dukshme. Ajo që më bën të ndjehem mirë është se gjatë qeverisjes katër vjeçare kemi vendosur balancë investimesh qytet-fshat. Ky ka qenë synimi im dhe ndihem mirë që e kemi arritur këtë”, ka thënë Haziri./rajonipress/