Haziri: Në Anamoravë është tentuar të falet krimi e të kontrollohet amnistia

Gjilan – Lutfi Haziri thotë se mbi 80 kallëzime penale , shumë hetime , dhe kontrolle policore e bëjnë Komunën e Gjilanit nën singlën :”Hetimet vazhdojnë”.Përkundër kësaj unë besoj në drejtësi dhe drejtësia përkundër këtij ambienti do të triumfojë mbi kontrollin qeverisës dhe kontrollin partiak. Gjilani do të bëhet një shembull i mirë i kësaj sepse ka gjyqtarë, prokuror, e polic që i shërbejnë popullit dhe shtetit e Gjilanit, por parasëgjithash nderit të tyre të gjykatësit, prokurorit apo policit të shtetit.

Lutfi Haziri kryetar i degës së LDK-së në Gjilan, kandidat për kryetar të GJilanit dhe deputet në Kuvendin e Kosovës për rajonipress thotë se sundimi i ligjit dhe rezultatet e prekshme në drejtësi mbesin detyra më e parealizuar në Kosovë, e si rrjedhojë edhe në regjionin e Anamoravës.

Haziri tha se përkundër kësaj gjyqësori, prokuroria e shtetit dhe policia e shtetit janë të varur në krijimin e ambientit të qëndrueshëm për sundim të ligjit, parakusht që i takon Qeverisë dhe Kuvendit.

Haziri mendon se kjo Qeveri me qëllim po e ngulfat për “mbytje” drejtësinë dhe vendosjen e drejtësisë. “Bedelet partiak, ndërhyrjet partiake për kontroll, afatet korruptive të përfaqësuesve partiak të veshur me pushtet, abuzimet e keqqeverisja e PDK-së dhe aleatëve të saj po pretendon me “shit” si dobësi të organeve të drejtësisë që në fakt është “laku në fyt” për drejtësinë.

Haziri thotë se mbi 80 kallëzime penale , shumë hetime , kontrolla policore e bëjnë Komunën e Gjilanit nën singlën :”Hetimet vazhdojnë”.”Përkundër kësaj unë besoj në drejtësi dhe drejtësia përkundër këtij ambienti do të triumfojë mbi kontrollin qeverisës dhe kontrollin partiak. Gjilani do të bëhet një shembull i mirë i kësaj sepse ka gjyqtarë, prokuror, e polic që i shërbejnë popullit dhe shtetit e Gjilanit, por parasëgjithash nderit të tyre të gjykatësit, prokurorit apo policit të shtetit.

Haziri tha se në regjionin e Anamoravës realisht është munduar të kontrollohet amnistia dhe të falet krimi, por drejtësia nuk është nënshtruar ndaj kësaj tendence./rajonipress/