Haziri: Llashtica e ngjashme me masakrën e Reqakut

Gjilan – Për nderë të ditës së martirëve, një delegacion i Kryesisë së LDK-së – Dega në Gjilan, në krye me kryetarin e LDK-së dega në Gjilan, njëherit deputetin e Parlamentit të Kosovës Lutfi Haziri i shoqëruar edhe nga Ismajl Jonuzi ka vizituar fshatin Llashticë.

Deputeti Haziri u prit miqësisht nga familjarët. Ata falënderuan kryetarin Haziri për vizitën e bërë në këto familje.

Pas ngushëllimeve në familjen e Nehat Shabanit, Deputeti Haziri masakrën e Llashticës e cilësoi si Reqakun e kësaj ane.Deputeti Haziri kërkoi nga organet e drejtësisë që sa më shpejtë kryesit e kësaj masakre të marrin dënimin e merituar.

Ndryshe Nehat Shabani mësues ishte dëshmitar i dhunës serbe. Ai është i plagosur në krahun e djathtë dhe e humbi djalin e tij Lirimin . Nehati më 13 prill 1999 plagoset nga serbët derisa banorët po qëndronin në male. Shabani thotë se masakra e Llashticës nuk guxon të harrohet sepse është ndër masakrat më të rënda në Kosovë./rajonipress/