Haziri: LDK prinë bindshëm në Gjilan

Gjilan – Lutfi Haziri kryetar i degës së LDK-së në Gjilan në një konferencë të jashtëzakonshme që mbajti tani vonë tha se nga 3000 votat e para të numëruara dhe të verifikuara del se LDK prin bindshëm në Gjilan me një diferencë prej 40% me partitë tjera.

Lutfi Haziri tha se procesi zgjedhor në terësi ishte i rregullt dhe pa asnjë incident.”Unë i falënderojë qytetarët për sjelljen e tyre dhe obligimin qytetar që e kanë kryer”, raporton rajonipress.

Haziri ndërkaq duke ju referuar të dhënave nga tereni tha se nga 3000 votat e numëruara që janë marrë si mostër nga disa fshatra dhe në qytet del se LDK prinë bindshëm për dallim nga partitë tjera. Jemi rreth 40% epërsi me partitë e tjera dhe kemi hiq më pak se 1000 vota diferencë për dallim nga zgjedhjet e mëparshme” u shpreh Haziri./rajonipress/