Haziri: LDK bindshëm do t`i fitojë zgjedhjet nacionale në Gjilan e Anamoravë

Gjilan – Lutfi Haziri thotë për rajonipress se LDK do t`i fiton bindshëm zgjedhjet në Gjilan dhe Anamoravë sepse ka fituar besimin e qytetarëve në mënyrë plebishitare në zgjedhjet komunale. Ne synojmë të fitojmë të gjitha kandidaturat për deputet dhe kjo do të ndodhë tha Haziri.

Lutfi Haziri është i bindur se rezultati dhe suksesi i zgjedhjeve lokale do të përsëritet në favor të LDK-së edhe në zgjedhjet nacionale raporton rajonipress.

Haziri tha se LDK në Gjilan ka javë që ka filluar përgatitjet për zgjedhjet nacionale, por me dekretimin e datës së zgjedhjeve ajo tashmë ka aktivizuar edhe më shumë angazhimet duke krijuar praktikisht mekanizmat zgjedhor që përfshinë shtabin zgjedhor në degë, nëpër të gjitha nëndegët si dhe ka hapur zyrat zgjedhore.

Haziri tha se LDK ka definuar programin dhe projektet kapitale për Gjilanin.”LDK do t`i fiton bindshëm zgjedhjet në Gjilan dhe Anamoravë sepse ka fituar besimin e qytetarëve në mënyrë plebishitare në zgjedhjet komunale. Ne synojmë të fitojmë të gjitha kandidaturat për deputet dhe kjo do të ndodhë”.

Haziri tha se Gjilani përfundimisht po i kthehet Rugovizmit dhe ushtarët e saj janë më besnikët në këtë kohë për Gjilanin, Evropën dhe Kosovën e zhvilluar, progresiste dhe pa krim e korrupsion./rajonipress/