UBT

Haziri: Kurti synon të mbulojë skandalet e qeverisjes duke u marrë me Serbinë e Rusinë

/ 2 minuta lexim
Uji Dea

Nënkryetari i LDK-së, Lutfi Haziri kritikoi kryeministrin Albin Kurti, se po përpiqet të mbulojë skandalet e qeverisjes së tij, duke u marrë me Serbinë dhe Rusinë.

Gjithashtu Haziri u shpreh se situata në Kosovë është shqetësuese, pasi sipas tij qytetarët tashmë ndjehen edhe të pasigurt.

“Ai po zhvendos gjithmonë vëmendjen tek problemet e tjera. Kosovën e kanë harruar. Këtë raport mundohet ta mbulojnë në situata ku diaspora mblidhet, ndërsa në Kosovë sillen si kosovocentrikë, dhe për të krijuar dallime brenda popullit tonë. Kjo tregon për një kamuflim të populist që jetojnë e mbijetojnë. Situata kur humbet besimi në institucione, fillon edhe degjenerimi dhe ky degjenerim përcillet me situata të frikshme”, ka thënë Haziri, për “Abcnews.al“.

Uji Dea

Ai ka thënë se Kurti po përpiqet të mbulojë skandalet e qeverisjes së tij, duke u marrë me Serbinë dhe Rusinë dhe e ka cilësuar kryeministrin si një rrezik për Kosovën.

“Metodat e dhunës janë aplikuar në politikë. Në Kosovë është përdorur edhe zjarri, goditja e parlamentit me mjete të ndryshme. Kur ata besojnë te dhuna si mjet për të arritur qëllimet, atëherë dështon shteti. Këto simptoma janë shqetësuese dhe duhet veprim urgjent dhe duhet emëruar prokurori i shtetit, dhe kjo jo sipas kryeministrit, por të zgjidhet nga drejtësia”, tha ndër të tjera Haziri.