Haziri: KPF-ja ka agjendë institucionale, nuk ndikohet nga askush

Gjilan – Lutfi Haziri thotë për rajonipress se akuzat e opozitës se KPF po zhvillon agjenda politike janë të papranueshme dhe të paqëndrueshme. KPF është trup profesionale dhe asnjëherë nuk kam ndërhyrë në punën e saj. Edhe Flakës së Janarit po ia kthejmë dinjitetin edhe në formë edhe në përmbajtje.

Lutfi Haziri hedh poshtë akuzat e PDK dhe LVV se Komiteti për Politikë dhe Financa (KPF), po merret me agjenda politike dhe po anashkalon problemet e qytetarëve. “KPF po punon sipas agjendës së saj institucionale dhe asnjëherë nuk ka ndodhur që unë të ndërhyjë në punën e saj. Vet fakti se nuk marrë pjesë në takimet e KPF-së tregon vullnetin tim për të mos u përzier në punën e KPF-së”.

Haziri thotë se KPF po e kryen punën e saj me profesionalizëm dhe opozita duhet ta ndjek rrugën e bashkëpunimit e jo të bojkotit.

Kurse rreth akuzave se “Flaka e Janarit” po zbehet Haziri tha se pikërisht jemi munduar që ta ngjallim këtë manifestim si në formë ashtu edhe në përmbajtje. “Flaka e Janarit” vetëm sa është pasuruar dhe është bërë më e fuqishme me programe të reja dhe për çdo vit ne do ta avancojmë këtë manifestim kombëtar” tha Haziri./rajonipress/