Haziri: Kosova po administrohet, nuk po qeveriset

Nënkryetari i Lidhjes Demokratike të Kosovës, ka thënë se Kosova aktualisht po administrohet e nuk po qeveriset.

Ai ka thënë se me këtë Qeveri ka mbyllje dhe mos transparencë.

“Ky vend është në administrim, logjika e administrimit është duke ndodhur, jo e qeverisjes. Nëse një kabinet qeveritar është në pritje të kryeministrit, i cili në parimin e punëve është kryeministër, i cili i koordinon punën me ministrat, e ata janë të pavarur në punën vet”, ka thënë Haziri në Tëvë 1.

Sipas tij, në vartësi të Kurtit janë Kuvendi dhe Presidenca.

“Nëse të tjerët janë në varshmëri kronike edhe Kuvendi ndonjëherë, fatkeqësisht edhe Presidenca edhe nivelet tjera, tregon qartë se ne nuk po qeverisemi”, tha ai.

Haziri e ka quajtur të pakuptimtë ftesën që presidentja Vjosa Osmani i ka bërë opozitës për të diskutuar për draft-statutin e Asociacionit, por jo edhe Lëvizjen Vetëvendosje.