Nënkryetari i LDK’së Lutfi Haziri, deklaratat e kryeministrit Albin Kurti se nuk do të ketë vazhdim të dialogut por dialog të ri i quajti deklarata për konsum të brendshëm.
“Kryeministri pritet të njofton për takimin e parë deputetët e Kuvendit të Republikës përmes të cilëve njoftohet edhe opinioni”, thotë Haziri.
“Sido që e quajnë është takim për dialog dhe natyrisht 2011 – 2017 e ka historinë e vetë dialogu, 2017 – 2021 e ka historinë e vetë dhe kjo 2021 e tutje do ta ketë hitorinë e vetë. Por gjithmonë është diskutuar për çështjet e njëjta”, thotë Haziri për RTK’në.
“Qëllimi me arrit një marrëveshje obligative për palët me njohje të dyanshme dhe me kompromiset që përmenden në dokument vazhdimisht, është qëllim që me e mbyll çështjen e vetme në Ballkanin Perëndimor që ka mbet e hapur”, shpjegoi Haziri.
“Nuk pres më shumë se me thënë se nuk është vazhdim i dialogut por është takim i parë. Ato që i thotë vazhdimisht për konsum të brendshëm”, theksoi ai.
Duke folur për punën e deritashme të qeverisjes Kurti, Haziri vlerësoi se ekziston një mentalitet kaotik në menaxhimin e politikave. Sipas tij, në 100 ditëshin e kësaj qeverie LDK do t’ia listoj të gjitha lëshimet ekzekutivit meqë sipas nënkryetarit të LDK’së po shihet se nuk ka konsistencë, ka ndryshim edhe të parimeve edhe të qëndrimeve.
