Haziri ka pritur në takim komandantin e KFOR-it turk, Saim Bagci

Gjilan – Kryetari i Komunës së Gjilanit, Lutfi Haziri, ka pritur sot në takim komandantin e KFOR-it turk në Kosovë, kolonelin Saim Bagci.

Haziri e ka falënderuar komandantin turk për vizitën, ndërkaq e ka njoftuar në përgjithësi për gjendjen e sigurisë në Gjilan, që e ka vlerësuar të qetë, sikurse edhe ka përmendur faktin se Gjilani është shembull i tolerancës dhe i bashkëjetesës me minoritetet.

Nga ana e tij, komandanti i KFOR-it turk në Kosovë, koloneli Saim Bagci, e ka falënderuar kryetarin Haziri për pritjen dhe për bashkëpunimin e mirë që Komuna e ka pasur edhe në të kaluarën me të gjitha ekipet e KFOR-it turk.

Gjithashtu, kryetari Haziri ka përmendur faktin se Komuna e Gjilanit është e vëllazëruar me Komunën e Yildirim të Bursas së Turqisë dhe se do ta vazhdojnë bashkëpunimin e mirë edhe në të ardhmen me shtetin turk në interes të përbashkët./rajonipress/