Haziri: Jo vetëm Përgjegjësi politike, kemi denoncuar në Prokurori veprime të kundërligjshme të qeverisjes lokale

Gjilan – Konsideroj që opozita këtu në Gjilan e gjithandej, jo vetëm që ka rol të rëndësishëm në demantimin dhe demaskimin politik të pozitës për keqqeverisje, por në të njëjtën kohë mban përgjegjësi edhe për denoncimin e menjëhershëm e të argumentuar të shkeljeve ligjore tek organet e drejtësisë tha Sokol Haziri.

Sokol Haziri nga GPVGJ thotë se ketë përgjegjësi edhe më shumë e kanë opozitarët (nëse ka të tillë) e që janë të përfaqësuar në institucionet ku bëhen këto veprime të kundërligjshme.

“Natyrisht që mundë edhe të konsiderohen edhe përgjegjës ngase fshehin veprat e tilla, e që në shtetin e së drejtës edhe mund të sanksionohen sipas ligjit në fuqi.
Natyrisht që përgjegjësi ka edhe opozita e pa përfaqësuar në institucione, dhe duke u nisur nga ky fakt aktivist të GPVGj kanë ndërmarr veprime denoncuese në Prokurori.
E tëra kjo nuk e përjashton e as ndalon rolin aktiv të Prokurorisë, kur merr në dijeni në çfarë do rruge kryerjen e veprës penale nga ana e pushtetit komunal apo cilido nivel tjetër. Pra demokracia është e mirëfilltë atëherë, ku ka jo vetëm përgjegjësi politike, por edhe ndërlidhshmëri (denoncim), e përgjegjësi para organeve të drejtësisë për të gjithë që bien ndesh me ligjin” tha Sokol Haziri nga GPVGJ./rajonipress/