Haziri: Hijet e jabanxhinjtë do të mbesin pa asnjë votë më 1 dhjetor

Gjilan – Lutfi Haziri kandidat për kryetar komune nga radhët e LDK-së në një takim që ka pasur me strukturat e LDK-së në teatrin e qytetit tha se Gjilani më nuk është as jetim as i përbuzur sepse në këtë qytet është kthyer Rugovizmi. Ne do të punojmë shumë që më 1 dhjetor hijet e zeza dhe jabanxhinjtë të mbesin pa asnjë votë.

“Më 1 dhjetor do t`i largojmë përfundimisht nga pushteti hajnat e vadat që i mbolli për këto vite pushteti në ikje”. Kështu tha Lutfi Haziri të shtunën në një takim me strukturat e LDK-së raporton rajonipress.

Haziri tha se fitorja e LDK-së i ka gëzuar të gjithë qytetarët e Gjilanit pa dallim moshe e gjinie.”Ju jeni ata që ia keni kthyer dinjitetin dhe krenarin Gjilanit. Ju struktura e aktivist të devotshëm të LDK-së jeni ata që e bëtë këtë qytet me nder duke e rikthyer besimin e humbur. Dhe ky besim në LDK do të mbetet i shenjtë sepse mbi 20 mija qytetar e kanë votuar LDK dhe realisht sot të gjithë janë fitues “ tha Haziri.

Haziri tha se ata që nuk ju gëzuan këtij rezultati të LDK-së më 3 nëntor ishin hijet e zeza që hynë skutave, por së fundit sërish kanë que krye dhe po vijnë me bodiguard e po kërkojnë vota, duke fyer e shantazhuar. “Kjo pjellë politike që u ndëshkua nga gjilanasit u kthye bumerang sepse LDK e bëri Gjilanin me dritë. Kemi ecur në çdo fshat e lagje të Gjilanit sepse ne nuk bëjmë dallime meqë për LDK vlerë ka njeriu”.

Haziri tha se duke parë këto idiotizma që po vijnë nga qendra jam i sigurt se Qeveria do të humb në zgjedhjet e përgjithshme dhe ajo më nuk do të jetë e PDK-së.”Gjilani më nuk është jetim , as i përbuzur, as i anashkaluar, as i nënshtruar sepse në Gjilan është rikthyer Rugovizmi dhe ushtarët e Ibrahim Rugovës. Mos harroni se në Gjilan pas 10 viteve është kthyer simboli i dy gishtave dhe ky simbol ka ekzistuar tek çdo fëmijë, qytetar, familjar nënë e grua që ka rezistuar ndaj serbëve”.

Haziri tha se me LDK qytetari i Gjilanit do të ketë vlerë dhe qytetari do të jetë zotni. “PDK humbi sepse për këto vite qytetarin e bëri shërbëtor, e keqpërdori skajshmërisht. Edhe tani me këto hije të zeza dhe me këta jabanxhinj që po sillen çdo ditë do të humbin edhe më keq më 1 dhjetor. Do të humbin aq keq sa do i lëmë pa asnjë vote” tha Haziri sepse sipas tij funksionarët nuk e shpëtojnë partinë, por qytetarët.

Haziri tha se LDK ka ndërtuar koalicion me qytetarët ndërsa po punon që të largojë së pari vadat, pastaj hajnat nga pushteti./rajonipress/