Haziri flet për futjen e Osmanit në listë të VV’së, thotë se nuk dëmtohet LDK’ja

Duke folur për zgjedhjet e 14 shkurtit, nënkryetari i LDK-së, Lutfi Haziri ka thënë se çdo proces zgjedhor ka vështirësi dhe sfida, por ajo që e nënkupton vështirësi për LDK-në është të qenit në qeverisje.

“Pas rezultateve të fundit ne kishim koalicion me VV dhe arritëm më pas ta bëjmë një koalicion me pakicat, deri te ajo që Kushtetuesja mori vendim.

Ne s’kishim alternativë tjetër, qeverisja e Hotit erdhi si opsion i vetëm. Ne përkundër Kurtit arritëm ta ndërtojmë qeverinë.

Ne nuk ndërtuam koalicion me PDK-në, por me partitë e vogla që përfshinë minoritetet, ky është dallim në substancë.

Tashmë jemi të njohur me qëndrimet e Kurtit, sepse me LDK-në deri më 6 tetor kishte një partner të besueshëm.

Tash jemi në një garë politike, ne vazhdojmë të jemi lidhje politike që ndërtohet mbi bazë të vlerave dhe për ne ka rëndësi shteti. Ne jemi gardianë politikë, do të vazhdojmë të punojmë sepse po e shohim degjenerimin politik, kjo e rrezikon shtyllën e pavarësisë që është demokracia”, ka thënë në Euroneës Albania.

Ai foli edhe për largimin e Vjosa Osmanit nga LDK, e cila garon në zgjedhjet parlamentare me një listë të përbashkët me VV-në.

“Tani, zonja Osmani e humbi besimin në LDK, duke u thirr në një vendim të Këshillit të Përgjithshëm, dhe kjo shkaktoi dhe mosbesim dhe tërheqje nga strukturat, duke e gjet vetën në VV. A s’është kjo thyerje e ideologjikë kjo?

T’i thyesh ideologjitë, atëherë cili është profili politik. Më vjen keq që është largu nga LDK humbja e besimit është edhe në vlerësime, dhe s’besoj që do të kalojë lehtë në një listë çfare është VV.

Edhe të tjerët që kanë dalë nga LDK në procese politike, nuk dëmtohet LDK-ja por dëmtohen vet ata”, ka thënë ndër të tjera Haziri.

Shpërndaje.
© RAJONIPRESS