Haziri: Do të ndërhyjë me forcën e ligjit, do të ndërhyjmë edhe me rrënime

Gjilan – Kreu i Komunës së Gjilanit ka paralajmëruar të gjithë ata që kanë objekte ndërtimi pa leje se shumë shpejt do të fillojë të ndërhyjë me forcën e ligjit vetëm që në këtë fushe të vendoset rendi e rregulli. Nëse është e nevojshme edhe do të ndërhyjmë me rrënime ka thënë Haziri.

Lutfi Haziri ka shkruar në fb se në komunën e Gjilanit janë evidentuar 54 objekte pa leje dhe inspeksioni tashmë ka ndërmarrë veprimet konkrete. “Kemi dhunim të ligjit, largim të shiritave pasi që ka ndërmarrë veprimet konkrete administrata jonë dhe të gjitha i kemi proceduar në gjykatë. Do të ndërhyjë me forcën e ligjit në mënyrë që të vendoset rregull dhe do të ndërhyjmë edhe me rrënime” ka shkruar Haziri.

Haziri tutje ka thënë se “kërkoj që të gjitha palët të paraqesin ankesa ose kërkesa për legalizim, për pajisje me leje në mënyrë që mos të ndërhyjmë në çështje që mund t’i prek të drejtat e banimit”./rajonipress/