Haziri: Dëshmorët na mësuan që të mos e durojmë padrejtësinë

Gjilan – Kreu i Gjilanit Lutfi Haziri me bashkëpunëtorët ka bërë homazhe të varrezat e dëshmorëve në ditën e çlirimit. Haziri ka thënë se dëshmorët sot i bëjnë rojë lirisë së Kosovës.

“Sot, në Ditën e Çlirimit të Gjilanit, nderuam dëshmorët e kombit, të cilët na mësuan që të mos e durojmë padrejtësinë. Ata u flijuan për lirinë e shqiptarëve. Ata, sot i bëjnë rojë lirisë së Kosovës. Lavdi” ka shkruar Lutfi Haziri derisa ka vizituar kompleksin e dëshmorëve.

Ndryshe për nder të ditës së çlirimit të Gjilanit janë paraparë aktivitete të shumta ndërkohë që qendra e qytetit sot nuk dukej e stolisur me flamuj siç ka ndodhur gjithmonë./rajonipress/