Haxhiu: Pse Komuna e Vitisë nuk e sjell në kuvend vendimin për pushim të dielën?!

Viti – Çështja e pushimit të bizneseve të dielën, është rregulluar me vendime të kuvendeve komunale në shumë komuna të Kosovës, dhe një propozim të tillë e kam bërë para disa muajsh edhe në kuvendin komunal të Vitisë, me qëllim që të krijohej një ditë pushimi e nevojshme si për bizneset ashtu edhe për punëtorët e këtyre bizneseve ka thënë Taulant Haxhiu asamblist nga Vitia nga radhët e PDK-së.

“Përkundër takimit me biznese dhe përkrahjes të mbi 95 përqind të tyre propozimit tim për të vendosur të dielën ditë pushimi, qeverisja e Sokol Halitit ende nuk ka reaguar ndaj këtij propozimi të kërkuar tashmë nga pjesa dërmuese e bizneseve dhe punëtorëve. Neglizhimi i kryetarit të komunës, Sokol Halitit të kësaj çështjeje tregon se pushteti komunal nuk është i interesuar të vendos rend dhe rregull në funksionimin e bizneseve komunale dhe të ofroj të dielën ditë pushimi për punëtorët e komunës së Vitisë, ajo me faktin se e ka humbur mundësinë e kapitalizimit të kësaj nisme për marketing të sajin politik, ka vendosur të neglizhoj dhe shtyej këtë propozim në komitetin për politikë e financa dhe kuvend komunal” ka shkruar Haxhiu.

Haxhiu ka kërkuar që sa ma më parë të procedohet propozimi i bërë nga ai dhe kjo çështje të rregullohet ashtu siç e meritojnë qytetarët vitias dhe siç është rregulluar tashmë në shumë komuna të Republikës së Kosovës./rajonipress/