Haxhiu: PDK do të forcohet në Viti

Gjilan – Sadik Haxhiu kryetar i degës së PDK-së në Viti thotë për rajonipress se do ta ringjallë dhe forcojë PDK në Viti. Unë vijë nga bota akademike dhe do të insistojë që në Viti të instalojmë një kulturë garuese politike. Prurjet e reja dhe përgatitet për zgjedhjet nacionale janë synimi im thotë Haxhiu.

Sadik Haxhiu është pritur mirë në Viti pasi mori pozitën e të parti në PDK. Vet fakti se ai vije nga bota akademike ka gjetur përkrahje e mbështetje të madhe tek të gjitha shtresat e Vitisë, raporton rajonipress.

Haxhiu për rajonipress shpalos synimin e tij për të quar përpara proceset e degës së PDK-së në Viti. “Do ta ringjallim dhe forcojmë PDK në Viti. E di që kjo parti ka pasur përçarje e ndarje të cilat e kanë dëmtuar padrejtësisht PDK. Unë do të mundohem që ta ndreq këtë imazh, duke përçuar mesazhe pozitive tek e gjithë anëtarësia”.

Haxhiu tha se do të mundohem që në Viti të instalojë një klimë politike garuese, e kurrsesi përçarëse. “Vitia është e vogël dhe nuk ka nevojë të harxhoj energji negative. Ajo çka i duhet këtij qyteti është nevoja që të gjithë të ndihen të barabartë dhe të sigurt”.

Haxhiu tha se qysh në ditët e para të ardhjes së strukturës së re në PDK vërehet një optimizëm tek të gjithë aktivistët tanë.”Ky fakt po më gëzon sepse synim imi mbeten prurjet e reja dhe përgatitjet për zgjedhjet nacionale. Kemi shumë intelektual të shquar në Viti që e kanë përqafuar këtë strukturë dhe këta njerëz të rinj më japin shpresë e optimizëm se në zgjedhjet nacionale do të dalim shumë të përgatitur “ tha Haxhiu.

Haxhiu tha se PDK në Viti do të mbetet një opozitë konstruktive duke e vrojtuar në çdo hap qeverisjen aktuale. /rajonipress/