Haxhiu i PDK-së akuzon qeverisjen komunale për kualitet të dobët të asfaltit

Viti – Taulant Haxhiu këshilltar i PDK-së ka akuzuar qeverisjen e dobët dhe të keqe të Sokol Halitit. Haxhiu ka thënë se është i shqetësuar me kualitetin e dobët të rrugëve të asfaltuara sidomos në fshatin Novosellë ku asfalti nuk ka qëndruar as tetë muaj dhe është dëmtuar.

Këshilltari i PDK-së, Taulant Haxhiu ka ironizuar me qeverisjen komunale në Viti duke thënë se më shumë kanë afat çokollatat e tij, ku ai është distributor sesa asfalti që po shtron Sokol Haliti.

“Jam i shqetësuar me cilësinë e dobët të asfaltit në Novosellë te rruga e Bregut. Vetëm tetë muaj ka mjaftuar dhe asfaltit i ka dalur afati, kurse unë distribuojë çokollata dhe kanë afat një vit e asfalti i Sokol Halitit veç tetë muaj” ka thënë Haxhiu.

Ndërkaq zyrtarët komunal kanë thënë se nëse kjo që po thotë Haxhiu është e vërtet dhe qëndron atëherë vërtet është shqetësuese dhe kanë premtuar se do të ndërmerren masa ndaj këtyre dështimeve.

Burime tonë ndërkaq nga Prokuroria e Gjilanit thanë se të enjtën pritet të shikohen këto dyshime dhe shumë shpejt Prokuroria mund ta hetojë rastin, nëse shihet se ka dëmtim të buxhetit./rajonipress/