Haxhinjtë e Luginës së Preshevës të dielën nisen për në haxh

Bashkësia Islame për Preshevë, Bujanoc dhe Medvegjë (BIPMB), bënë të ditur se hanxhinjtë e Luginës së Preshevës, nesër marrin rrugën e Haxhit për Qabe.

BIPMB-ja, njofton opinionin se përkundër pengesave të krijuara rreth organizimit të Haxhit, si dhe vjedhjes së makinës me 63 pasaporta të haxhinjëve në Shqipëri, arriti me një angazhim maksimal të siguroj pasaporta të reja për haxhilerët, të cilët me gëzim po marrin rrugën për të përmbushur kushtin e pestë të Islamit.

BIPMB-ja, falënderon administratën e policisë në Bujanoc, Preshevë e Vranjë, pastaj Ministrinë e Punëve të Brendshme në Serbi dhe Ambasadën e Arabisë Saudite, për efikasitetin e treguar rreth rregullimit të pasaportave të reja dhe vizat e duhura për rrugëtim.

BIPMB-ja, u dëshiron haxhilerëve rrugë të mbarë, shëndet e sukses në misionin e Haxhit, ndërsa të afërmve të tyre gjithë te mirat për festën e Kurban Bajramit, njofton, njofton Qendra për Informim e BIPMB-së.