Haxhi Krasniqi ndahet nga Miss Gjermania, ja arsyet

Boksieri shqiptar, Haxhi Krasniqi, ka konfirmuar ndarjen nga Miss Gjermania 2013 dhe po ashtu ka treguar arsyet e ndarjes nga bukuroshja. Caroline Noeding, Miss Gjermania 2013, ka qenë pjesë e intervistës së Haxhi Krasniqit për Prive.

Për të është pyetur boksieri i suksesshëm shqiptar, i cili jeton në Gjermani dhe arritjet më të mëdha i ka bërë atje.

Haxhiu, i cili njihet si një prej meshkujve më seksi shqiptarë në Gjermani, ka konfirmuar ndarjen nga Mis Gjermania, por thekson se ata mbeten miq të mirë.

Arsyet e ndarjes sipas boksierit kanë qenë të ndryshme, ka qenë largësia Hannover – Munich ajo që ka penguar, pasi që shqiptari jeton në Munich dhe udhëtimet çdo fundjavë ishin të lodhshme për të.

Haxhiu shtoi se synon që të mbetet ‘single’ dhe të fokusohet në karrierë, pasi e ka të vështirë që të dashurohet. /Telegrafi/