Haxha: PTK-ja është lënë në mëshirë të pseudomenaxherëve

Shyqyri Haxha, ish-kryeshef ekzekutiv i Postë-Telekomit të Kosovës (PTK), në një intervistë për gazetën “Zëri” thotë se kompania më e madhe publike në vend është lënë nën mëshirë të pseudomenaxherëve.

Zëri: Për një kohë keni qenë kryeshef ekzekutiv i PTK-së, si e vlerësoni gjendjen aktuale të PTK-së?

Haxha: PTK-ja është duke kaluar nëpër një situatë jashtëzakonisht shqetësuese, jostabile dhe me plot befasi jonormale. Të hyrat janë duke rënë që nga viti 2011. Praktikisht, të hyrat, numri i konsumatorëve, kualiteti i shërbimeve kanë degraduar në masë të paimagjinueshme. Ky degradim bëhet edhe më shqetësues kur merret parasysh se Qeveri e Kosovës ka vendosur të investojë në PTK pa ndonjë strategji të qartë dhe pa kontroll, duke mos monitoruar fare degradimin që është duke iu bërë PTK-së për vite./zeri/