Hat-trik i Haxhimusës, Gjilani deklason Vllazninë

Gjilan – Në javën e 25 të Superligës së Kosovës në futboll, në praninë e pak shikuesve në shkallët e stadiumit në Gjilan, skuadra e Gjilanit ka mposhtur me lehtë se që është pritur Vllazninë e Pozheranit me rezultat 4-0.

Në këtë ballafaqim figura kryesore e kësaj ndeshje ishte sulmuesi, Betim Haxhimusa, i cili tri herë e detyroi portierin e Vllaznisë, Arlind Gashin të nxjerr topin nga rrjeta e tij.

Futbollistët e Gjilanit sot kanë zhvilluar njërën ndër ndeshjet më të mira gjatë këtyre 25 javëve, duke dëshmuar se “bardh e kuqët” e Gjilanit janë një skuadër mjaft e fort dhe din se çka kërkon gjatë 90 minutave të ndeshjes.

Serinë e gola e hapi mbrojtësi i majtë, Fisnik Papuqi i cili me një gjuajtje precize nga 18 metra gjen këndin e poshtëm të portierit Gashi.

Futbollistët e Vllaznisë që nga minuta e 30-të, u desht ta përfundojnë ndeshjen me 10 futbollist pasiqë arbitri nga Prishtina Besfort Kosumi për herë të dytë e ndëshkon me karton të verdhë Elbasan Thaqin i cili u deshtë t`i braktisë bashkëlojtarët e tij.

Në pjesën e dytë gjithçka u zhvillua në “regji” të Betim Haxhimusës pas kombinimeve të mira me Fuat Karabeg, Haxhimusa me gjuajtje precize ngrit epërsinë në 2-0.

Haxhimusa në minutën e 70 edhe njëherë del në skenë, kur nga afërsia detyron Gashin ta nxjerr topin nga rrjeta e tij.

Futbollistët e Vllaznisë kanë mundur të shënojnë në minutën e 72 nga pika e bardhë por gjuajtjen e kapitenit të Vllaznisë Armend Kastrati e mbron Donat Kaqiu.

Haxhimusa i disponuar për lojë sot në minutën e 80-të, edhe njëherë shënon për të plotësuar hat trikun e tij për rezultatin përfundimtar.

Në javën e 26 futbollistët e Gjilanit udhëtojnë në Podujevë për tu ballafaquar me Llapin ndërsa Vllaznia e Pozheranit në Gjilan pret Lirinë e Prizrenit.

Tri pikët e fituara sot ngritin Gjilanin nga pozita e 4 gjerë te e 7 me 39 pikë ndan pozitat me Feronikelin, Llapin e Trepçën’89./rajonipress/