Hashim Thaçi thotë se ky është viti evropian për Kosovën
RajoniPress
16:32, 5 Maj, 2016
Presidenti i Kosovës, Hashim Thaçi, gjatë konferencës për media me përfaqësuesen e BE-së, Federica Mogherini, e ka vlerësuar vitin 2016, si vit evropian të Kosovës.
“Unë shpresoj që gjatë mandatit tim si President, do të fitojmë edhe statusin e kandidatit për anëtarsim në Bashkimin Evropian”, ka deklaruar Thaçi, raporton lajmi.net
Ai shtoi se këto ditë për Kosovën, janë ditë feste pasi janë tejkaluar situata të pakëndshme politike.
“Tani kemi raporte të shkëlqyera me vendet fqinje dhe për këtë po punojmë edhe në dialogun me Serbinë, në mënyrë që t’i implementojmë të gjitha marrëveshjet”, ka thënë Thaçi.
Presidenti ka shtuar se është bërë punë e madhe, por duhet të bëhet edhe më shumë.
