Hashani: Mos zbatimi i masave do të ketë konsekuenca ligjore, shqiptohen 675 fletëparaqitje

Gjilan – Policia e Kosovës në Gjilan, gjatë zbatimit të masave të ndërmarra nga Qeveria e Kosovës dhe institucionet e Shëndetësisë si pasojë e pandemisë Covid 19, për periudhën kohore një javore 4 nëntor 2020 deri me 10 nëntor 2020, në të gjitha shtatë komunat e rajonit të Gjilanit, kanë shqiptuar gjithsej gjashtëqind e pesëdhjetë e shtatë (657) fletë paraqitje për mos respektim të këtyre masave.

Në raste të veçanta Policia e Kosovës po ashtu ka asistuar inspektorët sanitar Komunal, në kontrolle të lokaleve hoteliere të cilat janë takuar duke mos i përmbush masat e kërkuara nga ana e Qeverisë së Kosovës Anti COVID- 19.

Policia e Kosovës i thërret dhe apelon te qytetarët që t`i respektojnë me përpikëri masat e ndërmarra nga ana e Qeverisë, ne dhe të gjitha institucionet e shtetit e kemi vetëm një qëllim mbrojtjen e shëndetit të qytetarëve tanë, në të kundërtën moszbatimi i këtyre masave do të ketë konsekuenca ligjore njoftoi Ismet Hashani./rajonipress/