Hasani në Timisoara
Afatin kalimtar të janarit e ka shfrytëzuar edhe mesfushori shqiptarë, Edon Hasani. Ai është transferuar te skuadra rumune, ACS Poli Timisoara.
Shkodrani së fundi ishte pjesë e skuadrës Ceahlăul Piatra Neamț, por nuk u aktivizua rregullisht. Ai më herët ka luajtur te ekipi bullgar, Litex Lovech.
Da Silva dhe Zaha në Cardiff
Cardiff City ka konfirmuar se ka transferuar në radhët e veta Fabio da Silva dhe Wilfried Zaha nga Manchester United. Të dy futbollistët janë huazuar te klubi i ri deri në fund të sezonit.
Zouma në Chelsea
Skuadra e Chelseas ka konfirmuar se ka arritur marrëveshje me futbollistin e klubit francez Saint-Etienne, Kurt Zouma
Ai ka nënshkruar kontratë me klubin londinez për pesë vjet e gjysmë. Zouma do të kalojë pjesën e mbetur të sezonit në Francë para transferimit në Stamford Bridge gjatë verës.
Holtby përforcon Fulhamin
Skuadra e Fulhamit e ka huazuar nga Tottenham Hotspur mesfushorin, Lewis Holtby. Ky i fundit ka shkuar formë huazimi deri në fund të këtij sezoni.