Hasani e “bombardon” komunën me kërkesa për të dëbuarit e Luginës

Gjilan – Refik Hasani këshilltar komunal u ka dërguar shkresa kryetarit të Komunës, Kryesuesit të Kuvendit të Komunës , Drejtorisë së Administratës dhe anëtarëve të Komitetit për Politik dhe Financa gjegjësisht Shefave të Grupeve Parlamentare që janë të përfaqësuar në Kuvend për të trajtuar e shqyrtuar më realisht hallet dhe nevojat që kanë të dëbuarit e Kosovës Lindore e qe ndodhen në Gjilan.

Sipas tij këto shkresa dhe iniciativa vijnë pasi është formuar Komitetit për bashkëpunim ndërkufitarë në Kuvendin Komunal të Gjilanit dhe ky projekt për evidentimin e kësaj kategorie të bëhet edhe në Gjilan i cili sa më parë duhet të kompletohet dhe të filloj së vepruari.

Hasani ka kërkuar që të evidentohen të gjithë qytetarët si kategori e të dëbuarve, zhvendosurve dhe shpërngulurve shqiptarë që jetojnë apo kanë qëndrim në Gjilan pas qershorit të vitit 1999 si të ardhur nga Komuna e Medvegjës , Bujanocit dhe Preshevës.

Një kërkesë tjetër për Kuvendin Komunal të Gjilanit, Hasani e ka adresuar që të caktoj një pikë të veçantë të rendit të punës në seancën e radhës dhe të shqyrtoj mundësin që të miraton një rekomandim-Konkluzion apo një akt drejtuar instancave më të larta të institucioneve Qendrore si Parlamentit dhe Qeverisë së Republikës së Kosovës për evidentimin e qytetarëve që nuk kanë arritur ende të kryejnë regjistrimin civil pasi janë si kategori e të dëbuarve, zhvendosurve dhe shpërngulurve shqiptarë nga Komuna e Preshevës , Bujanocit dhe Medvegjës që janë të ardhur pas qershorit 1999 me qëndrim të vendosur në Komunën e Gjilanit dhe një propozim kërkesë që Administrata e Përgjithshme në Gjilan të caktoj një zyrtarë në kuadër të Administratës që të filloj me një formular standard për evidentimin e të gjithë qytetarëve që ende nuk është arritur të pajisen me dokumente të udhëtimit pas vitit 1999 si kategori e të dëbuarve, zhvendosurve dhe shpërngulurve shqiptarë nga Komuna e Preshevës , Bujanocit dhe Medvegjës meqëndrim të vendosur në Komunën e Gjilanit tha Hasani./rajonipress/