Hasan Rashiti pret investime në rehabilitimin e sistemeve ekzistuese të ujësjellësit

Gjilan – Marrëveshjet e nënshkruara do të hapin mundësit e fillimit të investimeve të cilat priten të ndodhin për rehabilitimin e sistemeve ekzistuese të ujësjellësit në katër vendbanimet e Komunës së Kllokotit tha Hasan Rashiti.

Në lokalet e KRU “Hidromorava” në Gjilan është bërë ceremonia e nënshkrimit të marrëveshjës për shërbime në mes KRU “Hidromorava” dhe Komunës së Kllokotit.

Nënkryetari për Komunitete në Komunën e Kllokotit, Hasan Rashiti dhe Drejtori i Administratës dhe Shërbimeve publike, Hidajet Ahmeti pas një punë disa mujore me përfaqësuesit e asociacionit të përbashkët Dorsch Group dhe CDI-së, kanë nënshkruar marrëveshjen për funksionalizimin e ujësjellësit dhe mirëmbajtjen e kanalizimit.

Ky program do të realizohet nga asociacioni i përbashkët Dorsch Group (nga Gjermania) dhe CDI (nga Kosova) dhe financohet nga Qeveria Zvicerane dhe Qeveria e Kosovës.

Marrëveshjet e nënshkruara do të hapin mundësit e fillimit të investimeve të cilat priten të ndodhin për rehabilitimin e sistemeve ekzistuese të ujësjellësit në katër vendbanimet e Komunës së Kllokotit tha Hasan Rashiti.

Pas rehabilitimit dhe pranimit teknik të këtyre sistemeve pritet që këto sisteme të integrohen plotësisht në KRU “Hidromorava” me themelimin edhe të njësisë së veçantë operative në komunën e Kllokotit.

Programi pritet të përfundojë në fund të vitit 2017, kurse Komuna e Kllokotit do të jetë në vazhdimësi në koordinim me KRU “Hidromorava” Dorsh-Cdi për mbarëvajtjen e këtij projekti me rëndësi për qytetarët e kësaj komune./rajonipress/