Harrohen dëmet nga vërshimet, Komuna s`ka mjete, Qeveria nuk ndërhynë

Gjilan – Ndonëse dëmet ishin vlerësuar mijëra euro dëme nga shiu i rrëmbyeshëm që goditi Gjilanin asnjë cent nuk është lëshuar për këto raste. Halit Rexhepi nga drejtoria për mbrojtje dhe shpëtim tha për rajonipress se komuna e Gjilanit e ka kryer punën e saj dhe tërë dosjen e dëmeve e ka dorëzuar në Qeveri, por mjete nuk janë ndarë.

Pasojat e shiut të fundit dhe tepër të rrëmbyeshëm dëmtuan mijëra familje gjilanase. Edhe pse Komuna e Gjilanit kishte bërë llogarinë e dëmeve dhe kishte dorëzuar në Qeveri tërë raportin profesional të komisionit, asnjë cent nuk është lëshuar për nevojat e këtyre familjeve, raporton rajonipress.

Halit Rexhepi nga drejtoria për mbrojtje dhe shpëtim tha për rajonipress se komuna e Gjilanit e ka kryer punën e saj duke mbledhur në teren të gjitha dëmet e shkaktuara nga vërshimet, por Qeveria nuk ka dhënë asnjë cent. “Ne kemi dalur në teren dhe kemi bërë vlerësimin profesional të tyre. Dëmet janë të mëdha, por komuna s`ka buxhet e as mjete për të ndihmuar ndonjë familje që është goditur nga vërshimet” tha Rexhepi.

Rexhepi tha se asnjë qytetari gjilanas nuk i është dhënë asnjë cent nga dëmi i vërshimeve sepse buxhetin e kemi të kufizuar derisa Qeveria nuk po intervenon e as nuk ka ndihmua tha Rexhepi./rajonipress/