Haradinaj: Votimi i Ligjit të Trepçës, dëshmi se vendimet e drejta na bashkojnë
Lideri i Aleancës për Ardhmërinë e Kosovës, Ramush Haradinaj, ka vlerësuar se votimi i Ligjit të Trepçës, është dëshmi se përkundër dallimeve që pozita dhe opozita kanë pasur, në fund kanë marr vendimet të drejta i bashkojnë dy taborët.
Ky është postimi i plotë i Ramush Haradinajt në Facebook:
Votimi i Ligjit të Trepçës, është një dëshmi se megjithë dallimet që i kemi, vendimet e drejta na bashkojnë. Interesi për shtetin dhe qytetarin, është mbi secilin prej nesh. Ligji i miratuar sot, tash kërkon zbatim të shpejt dhe pa asnjë devijim të tij. Është interes jetik i Kosovës që të fillojë rimëkmbja ekonomike dhe ligji i miratuar mbrëmë është një ogur i mirë!
Shpresoj që vendimet e drejta, të na bashkojnë edhe në rastin e Demarkacionit dhe të Asociacionit!