Haradinaj: Unë jam i zgjedhur i popullit dhe gjithmonë do ta mbrojë zërin e tij

Kryetari i Aleancës për Ardhmërinë e Kosovës, Ramush Haradinaj, ka shkruar në llogarinë e tij në Facebook se veprimet e sotme në Kuvend, ishin në mbrojtje të votës së popullit dhe zërit demokratik.

Ai shton se nuk do të sillet asnjëherë me mos-respekt ndaj Parlamentit të Kosovës, “por zëri i qytetarëve duhet të dëgjohet në Kuvend”.

Ky është statusi i plotë i Haradinjat:

Gjithmonë do ta mbrojë votën e popullit!

Përherë kam respektuar Kuvendin dhe procedurat e tij, edhe në të kaluarën, edhe tani, por edhe në të ardhmen do të veproj njëlloj.

Sot kam shprehur pakënaqësinë time të thellë dhe kundërshtimin tim, që të pengohet futja në Kuvend të Peticionit ku kanë nënshkruar mbi 200 mijë qytetarë e votues të Kosovës. Askush nuk ka të drejtë ta pengojë zërin qëtetar që të hyjë dhe të dëgjohet në Kuvend.

Ata që provojnë ta pengojnë një gjë të tillë, nuk kanë asgjë të përbashkët me demokracinë e as me jetën parlamentare.

Unë jam i zgjedhur i popullit dhe gjithmonë do ta mbrojë zërin e tij!

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).