Haradinaj tregon “fajtorët e vërtetë” për rrëzimin e qeverisë Kurti

Kryetari i Aleancës për Ardhmërinë e Kosovës dhe ish-kryeministri, Ramush Haradinaj, ka treguar arsyet reale që sipas tij kanë çuar në rrëzimin e qeverisë së Albin Kurtit.

“Kini parasysh, nuk them se ishte e dëshirueshme në momentin kohor, por ky është realitet politik. Një qeveri humbi besimin pikërisht në kohë të krizës së pandemisë. Merita kryesore për të mbetur pa qeveri është e kryetarit të qeverisë, dhe kështu u krijua një krizë dhe parlamenti votoi mocionin e mosbesimit”, tha Haradinaj në Euronews Albania.

Sipas Haradinajt, qeveria e Kurtit humbin besimin pikërisht në një kohë krize dhe fajtorët për këtë shtoi ai nuk është opozita, por kryeministri në detyrë dhe Lëvizja Vetëvendosje. Zoti Haradinaj tregoi gjithashtu pjesën ku ai dallon nga drejtuesit e tjerë të partive politike në raport me interesin e shtetit.

“Unë jam kryetar i AAK, por e dua Kosovën më shumë se Aleancën. E vërteta është se VV e Kurti e lanë Kosovën pa qeveri në momentin më të keq. Qeverinë Kuti nuk e rrëzoi opozita, por qeverinë Kurti e rrëzoi Kurti dhe Vetëvendosja.”, tha ai.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).