Haradinaj-Stublla: Rikthimi i Listës Serbe në pushtet do të jetë pasojë e mosshpalljes si organizatë terroriste

Ish-kryediplomatja kosovare, Meliza Haradinaj-Stublla, ka reaguar lidhur me zhvillimet e fundit në Veri të vendit ku tashmë po vazhdon procesi i mbledhjes së nënshkrimeve për peticionet e shkarkimit të kryetarëve shqiptarë.

Haradinaj-Stublla ka vënë theksin tek Mitrovica e Veriut, ku funksionarë të lartë të Listës Serbe janë parë sot teksa nënshkruajnë peticionin për largimin e Erden Atiq nga Komuna. .

Sipas ish-kryediplomates, rikthimi i “Listës Serbe”në pushtet është një pasojë e mos shpalljes së kësaj partie si organizatë terroriste pas sulmit në Banjskë.

Haradinaj-Stublla ka thënë se kthimi në pushtet i një “organizate kriminale” si Lista Serbe në Veri do të jetë fatale për Kosovën.

Reagimi i plotë:

Pasojë e qartë e mospërcaktimit të Listës serbe si organizatë terroriste nga institucionet tona do të jetë rikthimi i saj në pushtet në komunat veriore të Kosovës.

Rakiç & Simiç tek ‘udhëheqin’ serbët vendas sot për të nënshkruar një peticion për largimin e një kryetari të zgjedhur ligjërisht #Atiq, ofron një parashikim të pamjegulluar.

Pra, sulmi në maj 2023 ndaj KFOR-it, Policisë së Kosovës, gazetarëve dhe gjithashtu agresioni i tmerrshëm terrorist në Banjskë i organizuar dhe ekzekutuar nga Radojçiqi i Listës serbe (nën drejtimin e Vuçiqit) që la të vrarë heroin #AfrimBunjaku – të gjitha duhet ‘të harrohen dhe heshten.’

Mos të harrojmë që Ura e Ibrit ende nuk bashkon por ndanë, dhe Asociacioni po na pret në pragun e shtëpisë. Rietablimi i organizatës kriminale Lista serbe në komunat veriore pas gjithë tmerrit që ndodhi vitin e kaluar – do të jetë fatale për Kosovën.