Haradinaj s`tërhiqet nga PAN-i, zotohet për formim të shpejtë të qeverisë

Kandidati për kryeministër nga koalicioni PDK-AAK-Nisma, Ramush Haradinaj i është zotuar ambasadorin britanik Ruari O`Connell se do të angazhohet maksimalisht për krijimin e Qeverisë, krijimin e institucioneve të reja të Kosovës, etj.

Lexoni të plotë shkrimin e Haradinajt:

Sot pata kënaqësinë ta pres në takim Ambasadorin e Mbretërisë së Bashkuar, Ruairi O’Connell, me të cilin folëm për procesin zgjedhor dhe për krijimin e institucioneve të reja të Kosovës.

E sigurova Ambasadorin O’Connell, për angazhimin maksimal timin dhe të partnerëve, për krijimin e Qeverisë së re dhe për adresimin e çështjeve, që kërkojnë zgjidhje urgjente, që nga sundimi i ligjit, proceset integruese e deri te zhvillimi ekonomik i vendit.

I përcolla mirënjohjen time për angazhimin e Mbretërisë së Bashkuar, në mbështetjen e Kosovës dhe proceseve të saj demokratike dhe njëkohësisht kërkesën për thellimin e mëtejmë të bashkëpunimit ndërmjet Kosovës dhe Mbretërisë së Bashkuar.

/Indeksonline/